إنخفاض أسعار العقارات الى 30% بسبب الأسباب التالية
أوضح الخبير الاقتصادي فضل البوعينين بما يخص العقار في الوضع الحالي بأنه يشهد دورة هبوط حيث هبط العقار بشكل عام وفقد من قيمته مابين 25 إلى 30% في بعض مناطق المملكة .
حيث اوضح أن ضبط الإنفاق الحكومي سيسهم في إنخفاض العقار بشكل أكبر من الحالي أيضاً وخطة الحكومة ورؤية 2030 دافع كبير لتنفيذ استراتيجيات تكفل عيش المواطنين بشكل أفضل وضمان توفير المسكن لجميع المواطنين وهذه الرؤية ومايكون تحت مظلتها مثل برنامج تحقيق التوازن المالي الذي يتضمن توجيه إعادة الدعم سيسهم في رفع أسعار الكهرباء والمياه وسيكون مؤثر قوي جدا وبشكل كبير في أسعار العقارات الجاهزة التي لم يهتم ملاكها لتحقيق كفاءة الطاقة وبالأخص من توسعوا بالبناء مما يجعل استهلاكها للطاقة أكبر وبالتالي التكلفة التشغيلية ستؤثر على العقارات.
وتابع ايضا أن على رسوم الأراضي البيضاء تصبح مؤثرا ملحوظ في أسعار العقارات الحالية والمستقبلية مما يدفع الأسعار للإنخفاض بشكل كبير في السنتين القادمة .
واضاف ان فرض رسوم على الوافدين قد يقلص حجم العمالة في البلد، وبهذا ينخفض الطلب على الإيجارات للوحدات السكنية مقابلها سيكون هناك انخفاض مباشر في أسعارها مستقبلا وسنرى هذا الأثر سريعا وبالإضافة إلى رسوم البلدية ستؤثر أيضا سلبا على العقارات .
وأخيرا اضاف البوعينين أنه في نهاية النصف الثاني من عام 2017 سيكون الأثر واضحا في انخفاض الإيجارات بسبب انشغال الوحدات السكنية مما سيؤدي إلى التنافس بين ملاك من أجل إدراج عروض و خصومات على الأسعار وهذه المنافسة ستضغط على الأسعار لتصل إلى أقل المستويات.
الله كريم
شبعناتخدير
مجرد كلام منذ عشر سنوات السكان في ازدياد والدخل قليل والتملك نسبه قليله جدا اذن راح يتحكم الطلب مقبل العرض والطلب في ازدياد
كلام فااااااضي نبي المواد التجاريه تنزل والبنزين والكهرب وغير هذي مانبي
العقار يمرض مايموت
المفروض الدوله تحط حد للاسعار بالمتر
يعني نفترض يكون المتر ب 2.50 و يظرب بالمساحه
و يكون هذا سعر الارض اما كلن يحط سعر من عنده هذا ما راح ينزل سعر العقار
طيب يبو الجوري وش ذنبي انا مشتري بسعر غالي واجي اييعها برخص
مراح انقل هذي الرساله لان كل الشعب طفران ولا حد باني بيت كلهم. ينتظرون القرض العقاري او الاسكان. وشكراااااا
ممتاز فيه انخفاض ملحوظ فيه بيت جارنا قبل فترة مسيوم بمليون مائتين ألف ولا احد شرى
الان مسيوم بتسع مئة الف ريال
#تفألؤا بالخير تجدوه#
نبي البنزين ينزل والكهرب والباقي معلينا منه
ذبحتونا ومايحطمك إلا سماسرت تجار التراب
اول ناس يحبطونك بتعليقاتهم
لكن حسبنا الله ونعم الوكيل فيهم
ابشركم ليزيد الغلاء بعد رفع الدعم لان الكل بيعوض المستورد وصاحب البقالة وصاحب العمارة وكله من ظهرك يا مواطن يا غلبان.?
يارب الايجارات تنزل والله مرة غالية وفي ازدياد غرفتين وصالة 30000 ريال وفواتير الكهرب والتليفون والله تعبت ولاعندي احد متوظف واصرف على عيالي يارب من عندك الفرج
مسيوم 900 الف بس ماراح يبيع الا بالسعر الي يبيه راعي البيت الله يخليلنا الاجار حتي يفرجها ربك
سمعنا هالحكي من سنين ”
الحمدالله اهم شي نزول العقار
جاري بيته قبل مسيوم مليونين
وهلحين يسمونه ٨٠٠
يالله نسلم من الايجار
الي استغلناء
وتجار اكلوناء
اهم شي انه ينزل
الحمدالله يارب
كلام فاضي العقارات املاك خاصه لي الشعب وليس هناك برنامج راح يردع العقاريين هناك ارتفاع غير مبرر في البنزين والكهربا والمياة ومخلفات المرور الي زادات وتبي تحكم سوق العقار انو ينزل اتوقع والله اعلم انو راح يرتفع زي مرتفع كل شي وخلو عنكم التخدير اتوقع المستشار مستثمر عقاري
عموم الشعب السعودي اللذين يعيشون على الايجار وليس لكم مسكن يضفكم انتم وعيالكم .. اهديكم اغنية عبدالمجيد عبدالله .. يحلموووووون .. يحلمووون اللي فيك يفكرون ..
قرار سليم ما نقوله تملق او بعدم وعي وهذا الكلام والاجراءات سليمه وراح ينزل العقار رغم كل الاوهام والاحباط اللى يمر فيه المواطن بشائر الخير بدت في الافق وتذكروا كلامي صح من واقع قرب من الاستثمارات العقاريه
لا وواثق من نفسة بشرى ساره
من زمان سمعنا الكلام هاذا لاحد يشتري
راح تنزل الاسعار زياده.
وضع صعب في اول الشي ولكن مستقبلا خير ان شاء الله اتمنا التوفيف والنجاح
هي نفس الاسعار قبل2016 كانت الرواتب جيده
بعد الرسوم والغاء البدلات وارتفاع الكهرباء والماء والرسوم المضافه راح يكون اغلب الشعب مهو قادر على الشراء
كلام فاضي الرسوم تفرض وتتم بين ليله وضحاها ‘ اما انخفاظ الاسعار بالعقار على وجه الخصوص ماتغير شي وقولوا الله يستر مايرتفع اكثر ‘ واخرتها نسكن الخيام والبيوت اللي تم انشائها من 100 سنه
جمل بريال وريال مافي
العقار نزل عن أول بكثير وإن شاء الله مزيداً من الركود والنزول وهذا شئ ملاحظ وماعليكم من بعض الملاك الكبار الذي يحاول يعيش الوهم بأن العقار متماسك ولم يتأثّر
و الله دحين ناسي ياولد
غير صحيح بالذات العقار
هنالك احتياج وليس كل شخص قادر على الشراء
هناك زيادة بالعدد السكاني
العقار لا يأكل ولا يشرب اذا ما زاد مانقص
المال صياد وهناك من يشيع ذلك للاصطياد
لو كان الكلام على قيمة المواد فممكن صحيح
مثل الروايه
لو لم ينخفض العقار يكفي نعيش في أمان …انظروا للدول المجاورة كيف حالها ؟؟؟؟؟؟؟
بزيادة المعروض من الأراضي
و فرض رسوم اضافيه على العماله وضبط تواجدهم
راح يجعل المعروض بالعقارات كبير وخصوصا بالمدن الكبرى مما سينعكس على قيمة الايجارات والعقارات بالإضافه إلى برنامج إيجار راح يضبط السوق العقاري كما فعل برنامج الأراضي البيضاء والسوق العقاري سينخفض لا محاله بإذن الله
الله المستعان والي فيه خير يقدمه ربنا والحمدالله على كل حال
السلام عليكم كل شي في بدايته يكون له آثاره السلبيه والاجاببه مثل العلاج وبعدين تظهر آثاره الاجابيه فتفاءلوا خيرا بإذن الله ولابد من الصبر فالدنيا لاتمشي بالعجله والتسرع في اصدارة الأحكام على الأشياء دون المرور في مرحلة الوقوع الصواب والخطيب فهى لهذا سميت دنيا على الآنسأن أن يجرب ويستفيد من تجاربه في خوض غمار الحياه ليعش في الوضعية والأسلوب الذي يريده ودمتم على الخير
في بعض (منتطق )المملكة .
ههههه
لا الحمد لله تفائلو بالخير تجدوه ✊?✌?
ياجماعة قسم بالله ان الامور تبشر بالخير قدام عيني انا شايف كم بيت وكم ارض نزلت اكثر من 30% ماعليكم من كثر تعليقات تجار التراب والله ع مااقول شهيد لا احد يستعجل انتظروا
كلام فاضي وضحك وخداع المواطن لا اكثر
سيصبح الجمل بريال ولن نجد ريالاً لشرائه
والله ماهو كلام فاضي الانزل العقار وبينزل زياده. في منطقتي الي اعيش فيها كانت اشقه. غرفتين وصاله ومجلس لو تموت ماتاخذها بقل من 28000 الف والحين بين العشرين ولاثنين وعشرين وراعي الملك مايحصل مستاجر. والله شقق بلهبل فاضيه.
ابشرو بالخير أن شاءالله لحد يشتري إلا كل يوم بيوم من المواد الغذائية. .والسيارات اصبرو عليها هالشهرين من كلام إعلامي وخبير تجاري.
لو فرضنا نزل العقار وانشاالله نزل %50
لكن اهم امور الحياة ارتفعت مثل الكهرب والماء والبنزين والعلاج و…..
طيب من وين نجيب فلوس ونشتري هالعقار ؟؟؟؟
العقار اللي كان مليونين او مليون ورجع للنصف ؟؟
اذا ماقدرنا نوفر المدخول حق شهر واحد كيف نقدر نوفر مبلغ لشراء بيت ؟؟؟ بمبلغ وقدره ؟؟
وهنا راح ينطبق المثل
جمل بريال وريال مافي
نسأل الله تدبار الافضل والاحسن للجميع المواطنين في ظل هذا التغشف
بيت بريال و ريال ما فيه !
باجماعه الخير لااموور في تحسن اهم شي لاامن ولاامااان اش بكم!!
باجماعه الخير لااموور في تحسن اهم شي لاامن ولاامااان اش بكم!!
في كل مكان الأسعار حلوه ماعده الاحساء الأسعار نار الايجار والتملك
حسبي الله ونعم الوكيل مافي رقابه عليهم تلعب في العقار وجميع البلدان الاخره برخص التراب
يا جماعة الخير ماراح ينزل العقار الا في حالتين
1- تدخل الدولة يعني تحط نظام واسعار حد أدنى وحد اعلى للبيع والإيجار
2- الله يحفظنا ويحفظ بلدنا من كل مكروه الحروب بعد هي الي تخفس بالعقار مثل ماصار وقت حرب الخليج
غير كذا لاتقولون بينزل وشلون بينزل والي ممتلكين بيوت حوالي %30 فقط من الشعب الباقين يلون يشترون ويسكنون ماراح ينزل اذا فيه طلب
نحن من زمان أرخص من كل دول الخليج والي مو مصدق يروح يسكن في دبي
اشوف ان أكثر التعليقات حول العقار واشوف أن البعض يحاول يبرر عن العقار انه ليس فيه نزول انا صاحب عقار واقول فعلا فيه نزول وقبل السبوعين كان عندي بيت دور واحد مساحته 900م كان مسيوم ب 630الف والوقت الحالي مسيوم ب 500الف هل هذا يسمى نزول اولا وخاصة أهل العقارات الذين يحاولون أن يبررون عن العقار انه ليس فيه نزول وأنا أقول فيه نزول وان شاء الله رايح يكون فيه نزول أكثر لاني التمنى الي ماعنده بيت يشتري بيت برخص الثمن والله يوفق اللجميع
هذه قيمة بيت في السعودية ؟!! و ﻻ حتى قيمة أرض فاضية… من وين هذا يا أخي فهد في أي منطقة هذا السعر