واقعة شهدتها المملكة قبل يومين.. طلاق عروس بعد زواجها بساعتين.. والسبب “سناب شات”

الله يكفينا يارب

من حقه دام انه مشترط في عقد الزواج ولاكن اسلوبه وسرعة اتخاذ القرار والله اعلم فيه خلل

من ابسط حقوقه

ابغض الحلال عند الله الطلاق . ماكان اوله شرط آخره نور . اعتقد ان قراره في محله . لان تصرف الزوجة كان متعمد بدون شك للاستخفاف بشرطه هذا وعدم الاهتمام دليل لبداية حياة عير مستقرة ولن تكون كذلك لان الشر من مصغره . فقطع العرق وسياحة دمه هو القرار الصائب . ولو انه غير مرغوب فيه . لكن لا تعليق آخر .

الزوج منذ الخطوبه كان يظهر شكوكه وتشدّده بإشتراطه على زوجته بمنعها من استخدام أي من برامج التواصل الإجتماعي فلم اسمع بحياتي زوج يشترط تلك الشروط وفي نظري أن الزوجه لم ترتكب ذلك الخطأ الذي يتسبب في الطلاق خصوصاً أنها أرسلت صور لها ممكن لأعز صديقاتها أو حتّى واحده من أخواتها بل يجب معالجة الأمر بالتفاهم والحكمه

الصراحه معه حق بنات الجيل هذا مفضوح اكلها وبيتها وطلعتها وملابسها واطفالها كل حياتها مفضوحه قدام الناس تقول انك عايش معهم اتابع وحده في السناب عرفت عنها كل شي اسمها كامل واسم امها وخواتها واخوانها واعمامها واولاد اعمامها وجدانها وجميع العائله الكريمه وشكل بيتهم من الداخل جميع الغرف وين يسكنون ويش تسوي من تصحى لين تنام وجميع المناطق الي سكنو فيها بصراحه انا رجل ماقدر اصور الي تسويه والمصيبه انها من قبيله وحتى مشاكلهم في البيت والله عيب ولا اقبل تكون زوجتي مثلها

كلنا نستخدم مواقع الانترنت والتواصل الإجتماعي لكن بعقلانية وحذر مستحيل انشر صور لي أو زوجي أو عيالي الصغار لا أعلم إلى أين مصيرها ومع ذلك زوجي كثير الحرص بالتنبيهات بالرغم اني محافظه جدآ ويعرف حرصي لكن الله الهادي للبنات المستهترات