جماعة الشبك الأصغر أميرهم زار كوريا أمس ولا لقي في استقباله إلا وزير الأسماك..ويقولون كان مع الوزير شبك والله أعلم..ما أدري وش قصتهم مع الشبك.
ما علينا..اليوم مرتزقة إعلام الشبك وربع الولي الفقيه وجماعة حسن البنا عندهم حفلة لطم جماعي من طهران إلى شرق سلوى إلى أسطنبول بسبب البرنامج الاقتصادي الضخم اللي يعلن عنه الأمير محمد بن سلمان اليوم.
أرعبهم المبلغ وقاموا يصارخون ويلطمون بقيادة المايسترو خامنئي وعزف قناة الجزيرة ووصلة رقص من الخليفة.
مرة يقولون 425 مليار دولار(ترليون وستمائة مليار ريال) اللي بتخسرها السعودية على صناعاتها واقتصادها المفروض تبني بها سوريا وتوزعها على الشعوب العربية عيديات.
ومرة يقولون الشعب السعودي أولى بها يبنون لهم إسكان ويوظفون العاطلين ويساعدون المحتاجين ويعفونهم من مخالفات ساهر هههه
طبعاً جماعة ما بين الشبكين من قم حتى الضاحية مروراً بالدوحة ومرتزقتهم في كل مكان بالإضافة إلى حقدهم وحسدهم طلعوا أغبياء مع سبق الإصرار والترصد ولا يقدرون يميزون بين إنفاق أموال بشكل مباشر وجذب أموال أجنبية تجي تستثمر عندك وتقيم مشاريعها ويفكرون أن السعوديين بيدفعون من جيوبهم لإقامة المشاريع.
يسوون أنفسهم محبين للسعوديين وحنينين عليهم ويبغونهم يتوظفون وفي نفس الوقت يستنكرون إقامة مشاريع جديدة وضخمة مثل هذي توظف مئات الآلاف من السعوديين.
يبغون من محبتهم فينا يقضون على الفقر بيننا وفي نفس الوقت ما يبغون الاقتصاد السعودي ينمو ويتفوق ويصير دخل الفرد السنوي كبير ويقضي على الفقر وغيره.
أغبياء ما بين الشبكين يبغون يسيئون للسعودية باختصار وخلاص
واحنا نقول لهم موتوا بغيضكم
عقوبات على طهران
مقاطعة للمرتشين في الدوحة
صعوبات اقتصادية في أسطنبول
واحنا العالم جاي عندنا بملياراته
